Upphaf verkefnis: COLAB
Það er okkur sönn ánægja að kynna COLAB: Strandrannsóknarstofur sem tengja fólk og náttúru, alþjóðlegt verkefni sem styrkt er af áætlun Norrænu ráðherranefndarinnar um farsæla framtíð. COLAB tengir saman samstarfsaðila á Íslandi, í Póllandi og Litháen sem þróa í sameiningu hagnýtar aðferðir til að efla strandsamfélög til að byggja upp staðbundin hagkerfi með mikla seiglu, sem byggja á náttúrulegum og lífrænum auðlindum strandarinnar. Verkefnið leggur áherslu á sjálfbæra auðlindanýtingu, þekkingu samfélagsins og náttúruvænar aðferðir sem styrkja bæði vistkerfi og lífsviðurværi.
Tilgangur verkefnisins er að þróa í sameiningu lausn fyrir blátt lífhagkerfi sem byggir á grasrótarstarfi og hægt er að beita í ólíku staðbundnu samhengi á Atlantshafs- og Eystrasaltssvæðinu. Með því að styðjast við ramma endurnýjandi ferðaþjónustu mun verkefnið tengja saman staðbundna vistfræðilega og menningarlega þekkingu, grænar vinnsluaðferðir og staðbundna vöruframleiðslu. Með samstarfi lífefna- og framleiðsluhönnuða, rannsakenda og handhafa staðbundinnar þekkingar mun verkefnið kanna hvernig sköpunargáfa og vistfræði geta unnið saman að því að styrkja seiglu samfélaga og sjálfbærni strandarinnar.
Meginmarkmið verkefnisins er að þróa verkfærakistur og þekkingarsafn sem hvetur dreifbýlissamfélög til að aðlaga endurnýjandi hugmyndir að uppbyggingu staðbundinna tækifæra og nýta ferðaþjónustu til að knýja fram umhverfislega, félagslega, menningarlega og efnahagslega endurnýjun.
Verkefnið er leitt af Háskólasetri Vestfjarða, með samstarfsaðilunum Fine Foods Islandica ehf, Listaháskólanum í Gdańsk og Listaháskólanum í Vilníus.
COLAB mun halda opna vinnustofu þar sem unnið verður með staðbundnar auðlindir á hagnýtan hátt til að efla tengsl við náttúruna. Markmiðið er að hvetja heimamenn á öllum aldri til að byggja upp framtíðarhagkerfi sem byggja á ábyrgri nýtingu náttúruauðlinda strandarinnar. Vinnustofan hentar fjölskyldum og börnum og fer fram 9. júlí á Ströndum.
Fleiri upplýsingar má finna hér: https://www.nordic-baltic-colab.net