Nemendum við Háskólasetur Vestfjarða stendur til boða fjölbreytt úrval af leiguhúsnæði á Ísafirði, allt frá stökum herbergjum upp í minni íbúðir í einkaeigu. Algengast er að nemendur leigi herbergi með aðgangi að baði og eldhúsi. Almennt séð er húsnæðisverð á Ísafirði umtalsvert lægra en á höfuðborgarsvæðinu og nær öll þjónusta í göngufjarlægð frá flestum af þeim búsetukostum sem í boði eru.
Stúdentagarðar Háskólaseturs verða teknir í notkun í september 2023 og munu þá nemendur við Háskólasetur hafa kost á góðu, nútímalegu húsnæði á frábærum stað í bænum, á viðráðanlegu verði.