Reglur um úthlutun húsnæðis

  • Aðeins nemendur sem eru skráðir í nám við Háskólasetur Vestfjarða geta sótt um langtímaleigu.

  • Nemendur geta einnig sótt um íbúð fyrir pör. Báðir umsækjendur þurfa að vera skráðir í nám við Háskólasetur Vestfjarða.

  • Athugið að þótt hægt sé að óska eftir tiltekinni íbúð er ekki hægt að tryggja að umsækjandi fái úthlutað þeirri íbúð. 

Forgangur og biðlisti

  • Nýnemar njóta forgangs við úthlutun húsnæðis til 15. maí.

  • Eftir þann dag fara umsóknir á biðlista.

  • Ef þér býðst húsnæði af biðlista:

    • Færðu tilkynningu í tölvupósti.

    • Þú þarft að svara innan tveggja daga.

    • Berist ekkert svar verður húsnæðið boðið næsta umsækjanda á biðlista.

 Leigutímabil

  • Hefðbundið leigutímabil er frá 17. ágúst til 30. júní.

  • Leigjendur geta sótt um framlengingu á leigutíma til 14. ágúst.

  • Til að óska eftir framlengingu þarf að senda tölvupóst á studentagardar@uw.is fyrir 31. janúar ár hvert.

Athugið:
Núverandi leigjendur njóta forgangs við úthlutun húsnæðis vegna framlengingar á leigutíma.

Leiguskilmálar

  • Leigusamningur er tímabundinn og ekki er hægt að segja honum upp á leigutímabilinu.

  • Við sérstakar aðstæður geta leigjendur óskað eftir að ljúka leigusamningi fyrir lok samningstíma.

  • Slíkar beiðnir eru metnar í hverju tilviki fyrir sig og eru háðar samþykki umsjónaraðila stúdentagarðanna.