Atvinnulíf/endurmenntun

Öll meistaranámskeið sem kennd eru við Háskólasetur Vestfjarða eru opin fólki úr atvinnulífinu og eru hluti af tveimur alþjóðlegum þverfaglegum meistaranámsleiðum, haf- og strandsvæðastjórnun, og sjávarbyggðarfræði.

Í kennsluskrá má finna upplýsingar um þau áhugaverðu námskeið sem kennd eru á hverju skólaári. Námskeiðin eru kennd í lotum og eru kennd á ensku þar sem nemendahópurinn er alþjóðlegur og kennarar koma alls staðar að úr heiminum. 

Inntökuskilyrði

Inntökuskilyrði fyrir stök námskeið eru almennt þau sömu og fyrir inngöngu í meistaranámið, þ.e. að umsækjendur hafa lokið grunnnámi, hvort þar sé BA, BSc, BEd eða annað sambærilegt nám.

Mikilvægt er fyrir umsækjendur að búa yfir góðri enskukunnáttu þar sem öll kennsla fer fram á ensku.

Gestanemar þurfa að uppfylla skilyrði um mætingu og þátttöku í hverju námskeiði í viðtökuskóla.

Ekki er boðið upp á gestanám í fjarnámi.

Umsóknarferlið

Fylla þarf út þetta eyðublað.

Staðfest gögn um fyrra nám þarf að senda á kennslustjori@uw.is

Dagsetningar og frestir

Umsóknir gestanema á eigin vegum eru afgreiddar með reglulegu millibili yfir námsárið. Gott er að umsókn berist að minnsta kosti tveimur mánuðum áður en námskeið hefst. Umsóknir eru lagðar fyrir meistaranámsnefnd.

Gjöld

Gjöld fyrir gestanema á eigin vegum eru 10.000 krónur fyrir hverja ECTS einingu. 4-ECTS námskeið myndi því kosta 40.000. 

Oft er hægt að sækja í sjóði stéttarfélaga vegna kostnaðar við endurmenntun.