Vísindaport: Hafró á Ísafirði - Yfirlit yfir núverandi verkefni

Háskólasetur Vestfjarða býður gesti velkomna á hádegisfyrirlestur með Martyn Jones, starfsmanni hjá Hafrannsóknastofnun (Hafró) á Ísafirði. Hann mun veita fróðlega yfirsýn yfir þau rannsóknarstörf sem nú fara fram hjá stofnuninni.

Hafró rekur átta rannsóknastöðvar víðs vegar um landið. Stöðin á Ísafirði er ein sú fjölmennasta (fyrir utan höfuðstöðvar í Hafnarfirði) og sinnir jafnframt mjög fjölbreyttum verkefnum. Á Ísafirði starfa sjö manns við fjölbreytt rannsóknarverkefni.

Í fyrirlestrinum mun Martyn kynna nokkur þeirra verkefna sem varpa ljósi á mikilvægt hlutverk stöðvarinnar í íslenskum hafrannsóknum, meðal annars greiningu á botndýrasýnum, úrvinnslu og merkingu mynda af hafsbotni og þátttöku í rannsóknarleiðöngrum.

Martyn er útskrifaður úr Haf- og strandvæðastjórnun við HV og hefur víðtæka reynslu úr rannsóknarumhverfi Hafró. Hann tók þátt í stofnmælingu Hafró vorið 2020, vann að rannsóknum á sjávarþörungum sem sumarstarfsmaður árið 2021 og hefur starfað sem rannsóknartæknir hjá Hafró frá árinu 2024. Í erindi hans má reikna með bæði faglegri innsýn og reynslu af fyrstu hendi í þeim verkefnum sem unnin eru á Vestfjörðum.

Fyrirlesturinn fer fram á ensku.