Vísindaport: Líf grásleppunnar: frá hrogni til hafs og aftur til baka

Í vísindaporti vikunnar bjóðum við velkominn James Kennedy, fiskalíffræðing við Hafrannsóknastofnun.

Grásleppan er fiskur sem á sér fáa líka og hefur jafnvel verið talin þess verðug að prýða íslenska 100 krónu peninginn, en lífsferill hennar var lengi hulin ráðgáta. Hún kemur að ströndum Íslands á vorin og sumrin til að hrygna og hverfur síðan á braut. Ungar grásleppur hverfa einnig af strandsvæðum nokkrum mánuðum eftir klak og sjást ekki aftur fyrr en þær snúa aftur til hrygningar. Líkami hennar er ekki straumlínulagaður og vegna kviðlægs sogskálardisks var talið að hún dvelji á miklu dýpi föst við botninn, en svo er ekki. Þvert á móti ver grásleppan mestum hluta ævinnar í efri lögum sjávar og dreifist víða um Norður-Atlantshafið. hún er einnig fær um að synda langar vegalengdir.

James Kennedy er fiskalíffræðingur við Hafrannsóknastofnun sem vinnur fyrst og fremst að rannsóknum á líffræði grásleppu en kemur einnig að rannsóknum á öðrum fisktegundum. Hann sérhæfir sig í æxlunarlíffræði fiska og hefur áður starfað við Háskólann í Bergen (Noregi). Hann lauk doktorsprófi frá Háskólanum í Liverpool á meðan hann starfaði við Port Erin sjávarrannsóknastöðina á Mön. James hefur leiðbeint nemendaverkefnum við Háskólasetur Vestfjarða og kennir námskeiðið Fisheries Ecology and Technology.

Erindið fer fram á ensku

Erindið fer fram á kaffistofu Háskólaseturs Vestfjarða og hefst kl. 12.10. Erindinu er einnig streymt í gegnum zoom hlekk og má finna hann hér

https://eu01web.zoom.us/webinar/register/WN_5lccEs98QEy2Sk9P5YsHVg