Hér má nálgast námskeiðslýsingar allra námskeiðanna sem í boði eru. Einnig má sjá skipulag námsins í sameiginlegri kennsluáætlun Sjávarbyggðafræði og Haf- og strandsvæðastjórnunar.
Námskeiðin uppfylla kröfur ýmissa stéttarfélaga um námsstyrki. Vor- og sumarannir eru tilvaldar fyrir háskólanemendur sem vilja stytta námstímann í reglubundnu námi.
Fyrirspurnir sendist á kennslustjóra Háskólaseturs.
Meistaraverkefni
Um námskeiðið
45 ECTS meistararitgerð er lokaverkefni námsins. Hún er afurð sjálfstæðrar rannsóknar og skal nemandi njóta leiðsagnar leiðbeinanda við vinnslu hennar. Ritgerðina má byggja á gögnum sem nemandi aflar sjálfur eða fyrirliggjandi gögnum. Lokamarkmið ritgerðarinnar er að þjálfa nemendur í að beita fræðilegum vinnubrögðum með sjálfstæðum hætti. Viðfangsefni ritgerða eiga að hafa sterka tengingu við þverfaglegt svið haf- og strandsvæðastjórnunar.
Kennsluskrá
Að námskeiði loknu skal nemandi:
- hafa skjalfest og framkvæmt eigin rannsóknir á siðferðislegan hátt, sem samsvarar bestu starfsvenjum á viðkomandi sviði.
- hafa þróað og stýrt verkefnum á sviði strandfræða sem eiga rætur í viðeigandi fræðilegum kenningum, stefnumótunar- og/eða stjórnunartækjum.
- hafa aflað sér þekkingar og gagna með eigin skrifborðs- og/eða vettvangsrannsóknum.
- hafa safnað, greint og metið gögn með því að nota staðlaðar og viðeigandi aðferðir og greiningaraðferðir.
- hafa staðsett niðurstöður sínar og varið þær innan núverandi fræðasviðs
- hafa sett fram gögn og niðurstöður í töflum og myndum á skýran og skilvirkan hátt.
- hafa tekist að miðla flóknum fræðilegum upplýsingum, áskorunum og niðurstöðum innan þeirra greina sem tengjast ritgerðinni, til fræðimanna og almennra áhorfenda.
- hafa komið með faglegar tillögur byggðar á niðurstöðum sínum.