Hér má nálgast námskeiðslýsingar allra námskeiðanna sem í boði eru. Einnig má sjá skipulag námsins í sameiginlegri kennsluáætlun Sjávarbyggðafræði og Haf- og strandsvæðastjórnunar.
Námskeiðin uppfylla kröfur ýmissa stéttarfélaga um námsstyrki. Vor- og sumarannir eru tilvaldar fyrir háskólanemendur sem vilja stytta námstímann í reglubundnu námi.
Fyrirspurnir sendist á kennslustjóra Háskólaseturs.
Hafskipulag
- Spring 2027
Um námskeiðið
Námskeiðið felur í sér ítarlega greiningu á ferli hafskipulags (Marine Spatial Planning (MSP)), dregur upp mynd af þeim ýmsu niðurstöðum sem eru mögulegar og kannar tiltekin verkfæri og tæknilausnir, ásamt því að tengja kenninguna um hafskipulag við framkvæmd með skoðun á tilviksrannsóknum sem framkvæmdar hafa verið víða um heim. Áskoranir, lærdómur sem dreginn hefur verið og framtíðartækifæri á sviði hafskipulags verða könnuð frá hagnýtu sjónarhorni.
Kennsluskrá
Að námskeiði loknu skal nemandi:
- geta sett í hagnýtt samhengi helstu meginreglur kenninga um vistfræðilega stjórnun og stjórnun strandsvæða.
- hafa skilning á hafskipulagsferlinu frá hagnýtu sjónarhorni.
- hafa skilning á hinum ýmsu niðurstöðum / afurðum hafskipulags og hvernig þær kunna að vera mismunandi milli staða.
- hafa skilning á ýmsum verkfærum og tæknilausnum sem notuð eru í ferlinu, ásamt styrkleikum og veikleikum þeirra.
- geta sýnt fram á færni í gagnrýnni hugsun og skriflegum og munnlegum samskiptum gegnum verkefnavinnu.