Hér má nálgast námskeiðslýsingar allra námskeiðanna sem í boði eru. Einnig má sjá skipulag námsins í sameiginlegri kennsluáætlun Sjávarbyggðafræði og Haf- og strandsvæðastjórnunar.
Námskeiðin uppfylla kröfur ýmissa stéttarfélaga um námsstyrki. Vor- og sumarannir eru tilvaldar fyrir háskólanemendur sem vilja stytta námstímann í reglubundnu námi.
Fyrirspurnir sendist á kennslustjóra Háskólaseturs.
Ferðaþjónusta og strandsamfélög: Frá auðlindanýtingu til aðdráttarafls
- Summer 2027
Um námskeiðið
Námskeiðið fjallar um breyttan efnahagslegan grundvöll samfélaga á strandsvæðum vegna aukins ferðamannastraums og áhrif slíkra breytinga á samfélagsuppbyggingu, menningu og samskipti samfélaga á strandsvæðum.
Námskeiðið veitir yfirlit yfir ferðamannaiðnað á strandsvæðum og rætt er um málefni á borð við sameiginlega auðlindanotkun og stjórnun; togstreitu varðandi sjálfsstjórnarsvæði í tengslum við ferðamannaiðnað; ævintýraferðamennsku; áskoranir varðandi flutninga sem tengjast starfsemi á afskekktum hafsvæðum; og þau áhrif sem ferðamannaiðnaður kann að hafa á sjálfbærni samfélaga og umhverfis á viðkomandi svæði.
Kennsluskrá
Að námskeiðinu loknu skal nemandi geta:
- metið það skipulagslega flækjustig sem nauðsynleg er til að ferðaþjónusta geti átt sér stað í strandsamfélögum.
- greint breytingar og ágreining í efnahagslífi svæða sem upplifa umskipti frá auðlindanýtingu til þjónustumiðaðrar starfsemi, eins og ferðaþjónustu.
- greint þá þætti sem laða fólk að afskekktum svæðum sem ferðamenn eða eigendur sumarhúsa og metið á gagnrýninn hátt áhrif þessarar þróunar á samfélagið á staðnum.
- lagt mat á mikilvægi ferðaþjónustu fyrir lífsviðurværi strandsamfélaga.
- greint á milli hinna mismunandi efnislegu, félagslegu og pólitísku samhengja sem eru til staðar í ferðaþjónustu á ströndum og á sjó.