Hér má nálgast námskeiðslýsingar allra námskeiðanna sem í boði eru. Einnig má sjá skipulag námsins í sameiginlegri kennsluáætlun Sjávarbyggðafræði og Haf- og strandsvæðastjórnunar.
Námskeiðin uppfylla kröfur ýmissa stéttarfélaga um námsstyrki. Vor- og sumarannir eru tilvaldar fyrir háskólanemendur sem vilja stytta námstímann í reglubundnu námi.
Fyrirspurnir sendist á kennslustjóra Háskólaseturs.
Siðferði manna varðandi verndun og auðlindanýtingu
- Spring 2027
Um námskeiðið
Störf á sviðum auðlindastjórnunar og þróunar fela oft í sér að fólk stendur frammi fyrir erfiðum valkostum þar sem leitast er við að koma jafnvægi á marga þætti í einu: Verndun og nýtingu náttúruauðlinda, áskoranir loftslagsbreytinga, tap á líffræðilegum fjölbreytileika, en á sama tíma skal standa vörð um réttindi frumbyggja, stuðla að umhverfisréttlæti og tryggja heilbrigt hagkerfi. Þeir aðilar sem taka þátt í ákvarðanatöku og auðlindanotkun hafa oft ólíka forgangsröðun og siðferðileg gildi sem hefur í för með sér umdeildar ákvarðanir sem hafa langtímaáhrif. Þetta námskeið veitir yfirlit yfir fjölbreytt svið umhverfissiðfræði sem getur byggt undir ákvarðanatöku og stjórnun þessara mikilvægu auðlinda.Það kynnir einnig fyrir nemendum hagnýt dæmi um hvernig er hægt og ætti að nota siðferðilega nálgun. Sérstök áhersla verður lögð á raundæmi sem varða auðlindir sjávar og stranda.
Kennsluskrá
Að námskeiði loknu á nemandi að:
- geta útskýrt hvernig skilningur á samskiptum manna við umhverfið getur verið mismunandi eftir ólíkum hefðum og venjum, og hvers konar gildi eru lögð á náttúruauðlindir.
- geta rætt hvernig ýmis siðferðileg sjónarmið hafa haft áhrif á nýtingu og verndun auðlinda í fortíðinni þvert á mismunandi menningarheima og svæði.
- geta útskýrt hvernig ýmis svið siðfræði meta mannlegar og ekki-mannlegar verur.
- geta greint hvernig mismunandi gerðir siðferðis hafa áhrif á réttláta nýtingu umhverfis- og náttúruauðlinda.
- getur athugað meðvitað sitt eigið kerfi umhverfissiðfræði og áhrif á tengsl nemandans við umhverfið.
- getur notað siðferðisreglur til að byggja undir stjórnunaráætlanir um nýtingu og verndun auðlinda.