Hér má nálgast námskeiðslýsingar allra námskeiðanna sem í boði eru. Einnig má sjá skipulag námsins í sameiginlegri kennsluáætlun Sjávarbyggðafræði og Haf- og strandsvæðastjórnunar.
Námskeiðin uppfylla kröfur ýmissa stéttarfélaga um námsstyrki. Vor- og sumarannir eru tilvaldar fyrir háskólanemendur sem vilja stytta námstímann í reglubundnu námi.
Fyrirspurnir sendist á kennslustjóra Háskólaseturs.
Haf- og strandsvæðastjórnun: Kenningar og verkfæri
- Autumn 2026
- Kennari: Dr. Fiona Beaty
Um námskeiðið
Stjórnun strandsvæða og sjávarauðlinda krefst þverfaglegrar rannsóknar í tengslum við heildstæða og samþætta nálgun. Þetta námskeið er ætlað til að kynna grundvallarhugtök, meginreglur, ferla og helstu áskoranir í stjórnun strandsvæða og hafsvæða með yfirferð á sögu og þróun samþættrar strandsvæðastjórnunar (Integrated Coastal Zone Management, ICZM) á mismunandi rýmiskölum – frá staðbundnum til alþjóðlegra. Námskeiðið veitir yfirlit yfir ólíkar kenningar, stjórnunarlíkön og hagnýtar aðferðir. Að auki eru valdar dæmisögur greindar til að varpa ljósi á áskoranir sem fylgja mismunandi nálgunum og niðurstöðum.
Kennari
Dr. Beaty starfar að verndun hafsvæða og sjálfbærri nýtingu sjávarauðlinda í þágu samfélaga og undir forystu frumbyggja við strendur Bresku-Kólumbíu í Kanada. Hún er vísindastjóri verkefnisins Great Bear Sea MPA Network og aðjúnkt við University of British Columbia, þar sem hún lauk doktorsprófi í dýrafræði. Hún veitir einnig ráðgjöf við fjölmörg verkefni og félagasamtök sem starfa að verndun hafsins á Salish Sea-svæðinu. Hún er afkomandi landnema og býr á Sunshine Coast, á landsvæði Squamish-frumbyggjaþjóðarinnar.
Kennsluskrá
Að námskeiði loknu skal nemandi:
- hafa öðlast skilning á samþættri haf- og strandsvæðastjórnun sem fræðigrein.
- geta áttað sig á margbrotnu eðli málefna sem varða haf- og strandsvæðastjórnun.
- geta fellt saman í eina heild mismunandi hliðar samþættrar strandsvæðastjórnunar út frá félagslegu, efnahagslegu og vistfræðilegu sjónarhorni, til að leggja mat á vandamál og álitaefni.
- geta beitt skilningi sínum og túlkun á strandsvæðum við hönnun samþættra stjórnunaráætlana fyrir haf- og strandsvæði.