Hér má nálgast námskeiðslýsingar allra námskeiðanna sem í boði eru. Einnig má sjá skipulag námsins í sameiginlegri kennsluáætlun Sjávarbyggðafræði og Haf- og strandsvæðastjórnunar.
Námskeiðin uppfylla kröfur ýmissa stéttarfélaga um námsstyrki. Vor- og sumarannir eru tilvaldar fyrir háskólanemendur sem vilja stytta námstímann í reglubundnu námi.
Fyrirspurnir sendist á kennslustjóra Háskólaseturs.
Stjórnskipulag á norðurslóðum
- Autumn 2026
- Kennari: Dr. Romain Chuffart
Um námskeiðið
Norður-Íshafið og aðliggjandi höf eru að ganga í gegnum miklar breytingar vegna loftslagsbreytinga sem hafa áhrif á ísbreiðu þess og nýjar tegundir atvinnustarfsemi eins og námugröft á hafsbotni. Það vakna sífellt fleiri spurningar um stjórnunar- og réttlætismál, allt frá notkun frumbyggja á sjávarsvæðum og hæði þeirra á hafi til fæðuöryggis, til vistfræðilegra áskorana sem fylgja nýrri auðlindanýtingu og stefnumála sem liggja að baki þessum framkvæmdum. Stjórnunarhættir hafsvæða eiga sér langa sögu sem á rætur í síbreytilegu sambandi milli samfélaga manna, auðlindaþarfa og tæknilegrar getu. Hafsvæði voru áður talin sameiginleg innan afmarkaðra ramma, en er nú skipt milli ríkjasvæða, með réttindum til nýtingar auðlinda og ábyrgð á þverþjóðlegum áskorunum (t.d. plastmengun eða sjálfbæru nýtingarferli) sem ekki samrýmast nútímalegum áskorunum, svo sem þörfum ríkja fyrir öryggi auðlindanýtingar, verndun líffræðilegrar fjölbreytni og réttindum frumbyggja. Í þessu námskeiði er greint frá núverandi og mögulegum framtíðarstjórnunarháttum ríkja á norðurslóðum og alþjóðlegu samstarfi sem komið hefur verið á til að stuðla að samræmingu meðal ríkjanna. Einnig er fjallað um mögulega framtíðarramma fyrir stjórnunarhætti á norðurslóðum og hlutverk frumbyggja.
Þátttaka í Arctic Circle ráðstefnunni í Reykjavík, sem er mikilvægur alþjóðlegur vettvangur fyrir stefnumótun og stjórnunarhætti á norðurslóðum, er óaðskiljanlegur hluti af þessu námskeiði og veitir nemendum einstakt og mikilvægt tækifæri til að upplifa umræður á háu stigi um fjölmargar áskoranir sem steðja að á svæðinu og mögulegar lausnir á framtíðar vandamálum. Þátttaka á ráðstefnunni gefur nemendum jafnframt tækifæri til að hitta lykilleiðtoga Norðurslóðaþjóða og aðra mikilvæga aðila í stefnumótun og stjórnun á Norðurslóðum og læra af þeim um þessi mál og áskoranir.
Kennari
Dr. Romain Francois R Chuffart holds the position as the chair and managing director of the Arctic Institute - Center for Circumpolar Security Studies (TAI), a public think tank for policy-making in the Arctic. In addition, he has also held the position as an adjunct in Arctic law at the Faculty of Law of the University of Akureyri. Romain completed his MA degree in Polar Law in Iceland and last year completed his PhD in Law at Durham University.
Kennsluskrá
Að námskeiði loknu skal nemandi:
- vera fær um að rifja upp þróun stjórnskipulags á norðurheimskautssvæðinu til dagsins í dag, sem og það stjórnskipulag sem er við lýði í dag.
- sýna fram á færni til að meta núverandi stjórnskipulag.
- vera fær um að þekkja og meta þær áskoranir sem þarf að yfirstíga til að ná árangursríku samstarfi á svæðinu.
- hafa lært að þróa færni til að mynda tengsl og að takast á við alþjóðlega ráðstefnu á árangursríkan og faglegan hátt.
- vera fær um meta á gagnrýnan hátt ráðstefnuerindi og útskýra þau munnlega fyrir samnemendum, og tengja í leiðinni umræðuefni ráðstefnunnar við stjórnun norðurheimskautsins.