Hér má nálgast námskeiðslýsingar allra námskeiðanna sem í boði eru. Einnig má sjá skipulag námsins í sameiginlegri kennsluáætlun Sjávarbyggðafræði og Haf- og strandsvæðastjórnunar.
Námskeiðin uppfylla kröfur ýmissa stéttarfélaga um námsstyrki. Vor- og sumarannir eru tilvaldar fyrir háskólanemendur sem vilja stytta námstímann í reglubundnu námi.
Fyrirspurnir sendist á kennslustjóra Háskólaseturs.
Hagnýt aðferðafræði
- Spring 2027
Um námskeiðið
Í námskeiðinu öðlast nemendur þekkingu, leikni og hæfni í hagnýtum aðferðum. Á námskeiðinu er farið yfir helstu aðferðir sem notaðar eru í sjávartengdum fræðum og unnið með efnivið líkt og sýnatöku, gagnasöfnun, úrvinnslu og túlkun. Styrkleikar og takmarkanir viðeigandi aðferða eru ræddir. Námskeiðið samanstendur af gestafyrirlestrum þar sem kynntar verða aðferðir sem notast er við á þessu sviði. Þar að auki verður fjallað um tengsl aðferðafræði og fræðilegra viðfangsefna. Í verklegum tímum ræða nemendur rannsóknargreinar í tengslum við sjávartengd fræði sem og aðferðir. Á námskeiðinu öðlast nemendur færni í að beita ólíkum aðferðum og verkfærum til að stýra vísindalegum og vönduðum könnunum.
Kennsluskrá
Að námskeiði loknu skal nemandi:
- þekkja og geta útskýrt algengar rannsóknaraðferðir innan sjávartengdra fræða.
- geta undirbúið, framkvæmt og túlkað kannanir og viðtöl.
- geta greint viðeigandi aðferðir til að takast á við ólíkar rannsóknarspurningar og aukið gæði rannsókna.
- geta greint takmarkanir í framkvæmd rannsókna og aðferða.
- geta greint frá og gagnrýnt ríkjandi rannsóknaraðferðir innan sjávartengdra fræða.