Hér má nálgast námskeiðslýsingar allra námskeiðanna sem í boði eru. Einnig má sjá skipulag námsins í sameiginlegri kennsluáætlun Sjávarbyggðafræði og Haf- og strandsvæðastjórnunar.
Námskeiðin uppfylla kröfur ýmissa stéttarfélaga um námsstyrki. Vor- og sumarannir eru tilvaldar fyrir háskólanemendur sem vilja stytta námstímann í reglubundnu námi.
Fyrirspurnir sendist á kennslustjóra Háskólaseturs.
Fræðileg skrif
- Autumn 2026
- Kennarar: Dr. Brack Hale / R. Morgan Greene
Um námskeiðið
Námskeiðið kynnir nemendur fyrir fræðilegum skrifum á framhaldsstigi. Farið er yfir grundvallarþætti fræðilegra skrifa, svo sem röksemdafærslu, ritgerðaskrif, samþættingu gagna og uppbyggingu. Þá eru einnig kynnt þau fræðilegu úrræði sem í boði eru í UW fyrir rannsóknir með fræðilegum heimildum. Með verklegum æfingum munu nemendur bæta færni sína í að skrifa vandaða, fræðilega texta sem við á. Að auki mun námskeiðið veita nemendum verkfæri til að takast á við og skilja krefjandi texta á áhrifaríkan hátt, sameina þá í fræðilegu yfirliti og þróa viðeigandi töflur og myndir. Námskeiðið felur bæði í sér fyrirlestra og verklegar lotur.
Kennarar
er fagstjóri meistaranáms í haf- og strandsvæðastjórnun við Háskólasetur Vestfjarða. Brack er með doktorsgráðu (Ph.D.) í landauðlindum frá University of Wisconsin-Madison og M.E.M.-gráðu í vatnsauðlindastjórnun frá Duke-háskóla. Áður en hann hóf störf hjá Háskólasetrinu var hann prófessor í líffræði og umhverfisfræði, ásamt því að stýra deild umhverfismála, stærðfræði, sálfræði og heilbrigðisvísinda við Franklin University í Sviss. Hann gegndi einnig stöðu tímabundins deildarforseta námsmála (interim Dean of Academic Affairs) í eina önn áður en hann kom til HV. Dr. Hale hefur yfirgripsmikla reynslu af stjórnsýslu háskóla, námskrárgerð, kennslu og gæðamati, auk leiðtogastarfa og stjórnunar. Hann hefur tekið þátt í ýmiskonar samstarfi við Háskólasetrið frá árinu 2014, meðal annars með því að koma með nemendahópa og verja rannsóknarleyfi hér á landi árið 2017.
er fagstjóri meistaranáms í sjávarbyggðafræði hjá Háskólasetri Vestfjarða. Hann er með MSc-gráðu í orkuvísindum frá Háskólanum í Reykjavík og er doktorsnemi við viðskiptadeild Háskólans í Reykjavík. Rannsóknarefni Morgan Greene snúa meðal annars að viðhorfum almennings, pólitík orkuskipta og þátttöku á orkumörkuðum. Áður en Morgan Greene hóf störf sem fagstjóri starfaði hann sem verkefna- og þróunarstjóri hjá Iceland School of Energy við Háskólann í Reykjavík.
Kennsluskrá
Að námskeiði loknu skal nemandi:
- þekkja algengar reglur í fræðilegum skrifum.
- geta metið útgefnar rannsóknir á gagnrýninn hátt, fundið viðeigandi bókmenntir og vísað til heimilda á réttan hátt.
- geta sameinað heimildir í fræðilegt yfirlit
- geta byggt upp gagnreynd rök og sett þau fram innan hefðbundinna fræðirita.
- geta túlkað flóknar skýringarmyndir.
- geta breytt upplýsingum í töflur og myndir.