Starfsauglýsing: Vefstjóri
Háskólasetur Vestfjarða leitar að frumlegum, metnaðarfullum vefstjóra í 40% starf.
Vefstjóri hefur umsjón með öllu sem viðkemur vefmálum Háskólaseturs, þar með talið umsjón með þróun og uppbyggingu vefsíðu og fréttaöflunar og fréttaskrifa á vefsíðu, samskipti við fjölmiðla og önnur tilfallandi störf sem snúa að kynningarmálum og innra starfi Háskólasetursins.
Okkur vantar góðan penna sem kann að skrifa jafnt fyrir Vestfirðinga og alþjóðlegt háskóla- og rannsóknarumhverfi. Við leitum að lausnamiðuðum og skapandi einstaklingi sem á auðvelt með að vinna sjálfstætt og brennur fyrir að kynna alþjóðlegt háskólalíf á Ísafirði.
Helstu verkefni og ábyrgð:
- Efnisgerð fyrir vefsíðu, blog, fréttatilkynningar o.fl.
- Samskipti við fjölmiðla og upplýsingagjöf
- Textagerð, yfirlestur og ritstjórn efnis á íslensku og ensku
- Vefumsjón og vefþróun
- Samskipti við vefforritara
- Samstarf við markaðsstjóra og stuðningur við markaðsherferðir
- Verkefnastjórn og önnur tilfallandi störf
Menntunar- og hæfniskröfur:
- Háskólamenntun sem nýtist í starfi
- Þekking og reynsla af fréttaöflun og fréttaskrifum
- Þekking og reynsla af vefumsjón
- Reynsla af markaðsstarfi, stafrænni markaðssetningu og samfélagsmiðlum kostur
- Skipulagshæfni og hæfni til að vinna sjálfstætt
- Færni í samskiptum
- Góð íslensku- og enskukunnátta í ræðu og riti
Ráðið er í starfið vegna fæðingarorlofs. Ráðningin er tímabundin til 31. ágúst 2027. Æskilegt er að nýr starfsmaður geti hafið störf sem fyrst á haustmánuðum 2025. Upplýsingar veitir Peter Weiss, forstöðumaður, í síma 450 3045 eða weiss@uw.is.
Umsókn (kynningarbréf og ferilskrá), sendist í tölvupósti á forstöðumann HV, Peter Weiss: weiss@uw.is.
Umsóknarfrestur er til 6. júní 2025.