Hvaða áhrif hefur Maðurinn á haf- og strandumhverfi Jarðar? Hverjir eru eðlilegir ferlar náttúrunnar og hvaða áhrif hefur stefnumörkun og stjórnun á þá? Hvernig getum við sagt fyrir um áhrifin sem hækkun sjávarborðs mun hafa og áhrif þess á nýtingu auðlinda?

Námskeiðið „Physical Processes of Coastal Environments“ eða „Eðlisræn ferli strandarinnar“ verður kennt í Háskólasetrinu dagana 28. nóvember til 9. desember. Kennari er Dr. David Didier frá háskólanum í Quebec, Kanada.

Námskeiðið er eitt af kjarnanámskeiðum meistaranámsins Haf- og strandsvæðastjórnun við Háskólasetrið.

Öll námskeið á meistarastigi við Háskólasetur Vestfjarða eru opin þátttakendum jafnt frá háskólum sem atvinnulífi. Öll kennsla fer fram á ensku enda er námsmannahópurinn alþjóðlegur.

Allar nánari upplýsingar um umsóknir, inntökuskilyrði og skráningargjald eru aðgengilegar á vefsíðu Opinna námskeiða við Háskólasetrið.

Nánari upplýsingar um efni námskeiðsins eru aðgengilegar í námskeiðslýsingu.

Kjarnanámskeið | 4 ECTS | Námskeið: CMM 02

Kennari: David Didier