Háskólahátíð á Hrafnseyri 2019

Á Háskólahátíð fögnum við með þeim nemendum sem útskrifast úr meistarnámi hjá Háskólasetri sem og fjar­nemum af Vestfjörðum.

Árið 2019 munu 22 nemendur útskrifast úr meistarnámi í haf- og strandsvæðastjórnun og einn úr meistara­námi í sjávartengdri nýsköpun. Báðar námsleiðir eru kenndar hjá Há­skólasetri Vestfjarða í samvinnu við Háskólann á Akureyri. Formleg útskrift er frá HA, en Háskólasetrið mun af þessu tilefni efna til háskólahátíðar á Hrafnseyri þann 17. júni 2019. Háskólasetur Vestfjarða býður einnig velkomna alla vestfirska útskriftar­nema til að samfagna á háskólahátíðinni á Hrafnseyri.

Auk útskriftarnema bjóðum við hjartanlega velkomna alla fyrrverandi og núverandi nema, kennara, starfs­menn, stjórnarmenn og stofnaðila sem og aðra samstarfsaðila í gegnum tíðina.

Það er Háskólasetrinu mikill heiður að rektor Háskólans á Akureyri hefur tilkynnt komu sína eins og síðast­liðin ár. Auk þess er von á eldri nemendum sem og kennurum. Við vonumst til að sjá sem flesta velunnara Há­skóla­setursins á þessum hátíðardegi. 

Dagskrá:

08:45-09:25    Flug Reykjavík-Ísafjörður

11:15             Mætt í rútu fyrir framan Háskólasetrið

11:30             Brottför rútu Ísafjörður-Hrafnseyri (skráning)

13:00             Guðsþjónusta á Hrafnseyri í tilefni þjóðhátíðardagsins

13:45             Kaffiveitingar á Hrafnseyri, þjóðhátíðardagskrá á Hrafnseyri. Súpa og brauð til sölu.

14:15             Setning Þjóðhátíðar

                     Hátíðarræða: Svandís Svavarsdóttir, heilbrigðisráðherra

                     Tónlist: Jón Gunnar Biering Margeirsson

                     Vefsíðan Sagnabrunnur Vestfjarða kynntur: Kjartan Ólafsson

                    

15:00-16:30   Hátíðleg athöfn í tilefni útskriftar vestfirskra háskólanemenda

                     Myndataka, gróðursetning birkiplanta

16:45             Rúta Hrafnseyri-Ísafjörður (skráning), með viðkoma á flugvelli

18:35-19:15    Flug Ísafjörður-Reykjavík

Hátíðlega athöfnin í tilefni útskriftar er opin almenningi og allir velkomnir að samfagna með útskriftar­nemum. Athöfnin er úti undir Bælisbrekku meðan veður leyfir, annars inni í kapellu.

Ókeypis er í rútu og allir velkomnir meðan sæti eru laus, en nauðsynlegt er að skrá sig til að tryggja sér sæti. Rútan tekur upp farþega á leiðinni, ef þess er óskað. Brottför frá Háskólasetri verður ekki seinna en 11:30. Mæting upp úr 11:15.

Vinsamlegast hafið samband við reception@uw.is eða í síma 450 3040 til að skrá ykkur í rútu. 

Á döfinni

Frá Háskólahátíð 2018. Útskriftarnemar og eldri nemar ásamt Guðna Th. Jóhannessyni forseta Íslands, Eyjólfi Guðmundssyni rektor HA og starfsmönnum og stjórnarfólki Háskólaseturs.
Frá Háskólahátíð 2018. Útskriftarnemar og eldri nemar ásamt Guðna Th. Jóhannessyni forseta Íslands, Eyjólfi Guðmundssyni rektor HA og starfsmönnum og stjórnarfólki Háskólaseturs.