Útskriftarathöfn Háskólaseturs Vestfjarða fer að venju fram á Þjóðhátíðardegi Íslendinga, 17. júní, með Hákólahátíð á Hrafnseyri. Athöfnin er ætluð öllum sem lokið hafa meistaragráðu frá Háskólasetri síðastliðið skólaár, sem og vestfirskum útskriftarnemum frá öðrum háskólum á Íslandi, sem vilja fagna áfanganum á heimaslóðum. 

Öll eru velkomin á Háskólahátíðina til að gleðjast með útskriftarnemunum!

 

Dagskrá:

13:00             Guðsþjónusta á Hrafnseyri í tilefni þjóðhátíðardagsins

13:45             Þjóðhátíðardagskrá á Hrafnseyri. Kaffiveitingar. Súpa og brauð til sölu.

14:15             Hátíðarræða

                     Aðrar ræður og ávörp, tónlist

15:00-16:30    Hátíðleg athöfn í tilefni útskriftar vestfirskra háskólanemenda

                     Myndataka, gróðursetning

 

Háskólahátíðin er opin almenningi og öll velkomin að samfagna með útskriftar­nemum. Athöfnin verður úti undir Bælisbrekku ef veður leyfir, annars inni í kapellu.

Ókeypis er í rútuna og öll velkomin meðan sæti eru laus, en nauðsynlegt er að skrá sig til að tryggja sér sæti. Rútan tekur upp farþega á leiðinni, sé þess óskað. Brottför frá Háskólasetri verður ekki seinna en kl. 11:30, mæting 15 mínútum fyrr.

Vinsamlegast hafið samband við reception@uw.is eða í síma 450 3040 til að skrá ykkur í rútuna.