mánudagur 12. janúar 2015

Kynningarfundur: Landsskipulagsstefna

Skipulagsstofnun kynnir auglýsta tillögu að Landsskipulagsstefnu 2015-2026, en kynningarfundur um málið verður haldinn í Háskólasetrinu þann 14. janúar kl. 12.30-14.30.

Á fundinum verður tillagan kynnt auk þess sem að fjallað verður sérstaklega um framfylgd landsskipulagsstefnu í skipulagsgerð sveitarfélaga svo sem við endurskoðun aðalskipulags.

Tillöguna, ásamt umhverfismati og fylgiskjali, Skipulagsmál á Íslandi 2014 – lykilmælikvarðar og fyrirliggjandi áætlanir, má nálgast á www.landsskipulag.is og www.skipulagsstofnun.is, en frestur til að skila athugasemdum er til 13. febrúar 2015.