Senn líður að því að nýr hópur meistaranema í haf- og strandsvæðastjórnun hefji nám hjá Háskólasetri Vestfjarða og er nú leitað að hentugu húsnæði fyrir nýnemana, frá og með næsta hausti til u.þ.b. eins árs.

 

Háskólasetur sér um milligöngu, þ.e. kynningu á húsnæðinu ásamt tengingu milli eiganda og væntanlegs leigjanda. Leigusamningur er gerður milli leigjenda og húseigenda.

 

Leitað er að íbúðum með húsgögnum, baði, þvotta- og eldunaraðstöðu eða herbergjum með húsgögnum með aðgang að baði, þvotta- og eldunaraðstöðu.

Háskólasetur óskar einnig eftir að taka á leigu húsnæði fyrir gestakennara í haf- og strandsvæðastjórnun veturinn 2011-2012. Húsnæðið þarf að vera fullbúið með húsgögnum, baði/sturtu, þvotta- og eldunaraðstöðu og aðgangi að interneti.

Kostur ef húsnæðið er í göngufæri við Háskólasetrið, hvort sem um ræðir húsnæði fyrir nema eða kennara.

 

Nánari upplýsingar veitir Pernilla Rein, verkefnastjóri í síma 450 3044 eða pernilla@uwestfjords.is.