Fréttir | Háskólasetur Vestfjarða

Varnatímabil vorönn 2026

Mon, 20 Apr 2026 11:43:00 +0000

Nú er aftur komið að meistaraprófsvörnum hjá nemendum Háskólaseturs Vestfjarða. Varnirnar hefjast á föstudaginn 24. apríl og munu 6 nemendur kynna og verja meistaraverkefni sín á næstu vikum. Að venju eru umfjöllunarefnin afar áhugaverð og fjölbreytt. Varnirnar eru opnar almenningi og fara fram í Háskólasetri. Einnig er hægt að fylgjast með á zoom og má finna linkana í töflunni hér að neðan.

Biðlar til kennara um að taka þátt í könnun um haflæsi

Tue, 14 Apr 2026 13:40:00 +0000

Una Lilja, meistaranemi á öðru ári hjá Háskólasetri Vestfjarða í Haf- og Strandsvæðastjórnun, vinnur nú að rannsókn á því hvernig skólakerfið undirbýr einstaklinga til að taka ákvarðanir sem styðja við heilbrigt haf. Leiðbeinandi hennar er Dr Catherine Chambers, nýr forstöðumaður Háskólaseturs sem hóf störf 1 apríl á þessu ári. Í rannsókn sinni skoðar Una svokallað haflæsi, sem snýst um skilning á tengslum mannfólks og hafs en það gegnir einnig lykilhlutverki í að efla meðvitund um umhverfismál, sjálfbærni og ábyrgð í nýtingu auðlinda hafsins. Þetta hugtak hefur fengið aukna athygli á undanförnum árum en það á sérstaklega vel við á strandsvæðum þar sem hafið er stór hluti af daglegu lífi. Una mun kanna hvernig kennarar nota hafið og ströndina í kennslu og hvernig haflæsi fléttist inn í námsgreinar á öllum skólastigum. Hún biður því alla kennara að taka þátt í könnuninni sinni sem tekur aðeins um 2-5 mínútur að svara og verður opin í takmarkaðan tíma. Einnig er fólk hvatt til þess að deila könnuninni áfram til kennara sem þau þekkja. Hlekk á könnunina má finna hér: Könnun um haflæsi á Íslandi - Háskólasetur Vestfjarða

Upphaf verkefnis: COLAB

Wed, 08 Apr 2026 11:45:00 +0000

Það er okkur sönn ánægja að kynna COLAB: Strandrannsóknarstofur sem tengja fólk og náttúru, alþjóðlegt verkefni sem styrkt er af áætlun Norrænu ráðherranefndarinnar um farsæla framtíð. COLAB tengir saman samstarfsaðila á Íslandi, í Póllandi og Litháen sem þróa í sameiningu hagnýtar aðferðir til að efla strandsamfélög til að byggja upp staðbundin hagkerfi með mikla seiglu, sem byggja á náttúrulegum og lífrænum auðlindum strandarinnar. Verkefnið leggur áherslu á sjálfbæra auðlindanýtingu, þekkingu samfélagsins og náttúruvænar aðferðir sem styrkja bæði vistkerfi og lífsviðurværi.

Páskaopnun í Háskólasetri Vestfjarða

Wed, 01 Apr 2026 08:30:00 +0000

Háskólasetur Vestfjarða verður lokað hluta páskanna. Húsið verður lokað föstudaginn langa, 3. apríl, og laugardaginn 4. apríl. Inngangurinn frá Suðurgötu verður læstur og lyklaspjöld ekki virk á meðan. Í neyðartilvikum má hafa samband í síma 844 3148.

Skipulag fyrir loftslagsbreytingar á strandsvæðum kennt við Háskólasetur Vestfjarða

Tue, 31 Mar 2026 11:26:00 +0000

Dagana 16. mars til 1. apríl er námskeiðið Skipulag til að takast á við loftslagsbreytingar í strandhéruðum: aðlögun og mótvægisaðgerðir kennt við Háskólasetur Vestfjarða. Þar kafa nemendur ofan í eitt brýnasta viðfangsefni samtímans: hvernig strandsamfélög geta brugðist við loftslagsbreytingum og byggt upp aukna seiglu til framtíðar.

Námskeiðið Sjávareldi, umhverfi og samfélag í fullum gangi hjá Háskólasetri Vestfjarða

Thu, 26 Mar 2026 14:45:00 +0000

Dagana 16. mars til 1. apríl stendur yfir námskeiðið Sjávareldi, umhverfi og samfélag hjá Háskólasetri Vestfjarða.

Námskeið í skipulagi hafsvæða við Háskólasetur Vestfjarða

Fri, 13 Mar 2026 09:50:00 +0000

Dagana 2.–13. mars stendur yfir námskeiðið Hafskipulag við Háskólasetur Vestfjarða.

Námskeið um hamfarir og seiglu hafið í Háskólasetri Vestfjarða

Fri, 06 Mar 2026 11:52:00 +0000

Námskeiðið Bjargráð við hamförum hófst í Háskólasetri Vestfjarða 2. mars og stendur til 13. mars. Eins og heiti námskeiðsins gefur til kynna er þar fjallað um viðbrögð við hamförum, hvernig hamfarir koma til og hvað það er sem ræður því hvernig fólk og samfélög takast á við áföll og erfiðleika.

Horft til framtíðar í strandsamfélögum á Norðurslóðum

Fri, 27 Feb 2026 09:21:00 +0000

Dagana 9.–27. febrúar fer fram við Háskólasetur Vestfjarða námskeiðið Outlook to the Future: Coastal Arctic Scenarios.

Nemendur takast á við gagnagreiningu og túlkun

Wed, 25 Feb 2026 09:59:00 +0000

Dagana 9.–27. febrúar stendur yfir námskeiðið Gagnagreining og túlkun hjá Háskólasetri Vestfjarða, þar sem nemendur fá tækifæri til að efla þekkingu sína og færni í að greina bæði megindlegar og eigindlegar rannsóknir.

Dr. Catherine Chambers tekur þátt í viðburði um sjávarútveg og fiskneyslumenningu á Íslandi og í Japan

Mon, 23 Feb 2026 11:19:00 +0000

Dr. Catherine Chambers, sem tekur við stöðu forstöðumanns Háskólaseturs Vestfjarða 1. Apríl næstkomandi, dvelur sem stendur í Japan ásamt fjölskyldu sinni, þar sem hún er í rannsóknarleyfi sem gestaprófessor við Háskólann í Tókýó.

Tveir nemendur Háskólaseturs Vestfjarða hljóta styrk Byggðastofnunar til lokaverkefna í byggðamálum

Wed, 11 Feb 2026 11:32:00 +0000

Byggðastofnun hefur frá árinu 2015 veitt styrki til meistaranema sem vinna að lokaverkefnum á sviði byggðaþróunar. Kostur hefur verið ef verkefnið hefur skírskotun í byggðaáætlun.

Námsskeið í GIS (Landfræðileg upplýsingakerfi)

Sat, 07 Feb 2026 11:42:00 +0000

Á föstudaginn 6. febrúar lauk námskeiðinu "GIS: Landafræðileg upplýsingakerfi" við Háskólasetur Vestfjarða. Í námskeiðinu fengu nemendur innsýn í kortagerðartól sem skipta sífellt meira máli í rannsóknum og faglegu starfi á fjölbreyttum sviðum. Landupplýsingakerfi byggja á aldagamalli hefð kortagerðar en tölvur gera okkur kleift að framkvæma rýmisgreiningar og landfræðilega myndræna framsetningu gagna á mun skilvirkari hátt en áður. Góð undirstaða í fræðilegum grunni kortagerðar er engu að síður lykilatriði í að nýta möguleika GIS til fulls. Á námskeiðinu er því lögð rík áhersla á vinnu með kort, framsetningu gagna og sjónræna túlkun, samhliða því að nemendur læra að beita GIS sem öflugu verkfæri í greiningu og miðlun upplýsinga.

Fráfarandi forstöðumaður Háskólaseturs Vestfjarða kjörinn stjórnarformaður félagsins Gefum íslensku séns

Mon, 02 Feb 2026 10:57:00 +0000

Ísfirska átakið Gefum íslensku séns hefur á undanförnum árum vaxið út fyrir svæðið. Til að halda betur utan um starfsemina hefur nú verið stofnað félag og fyrir helgina var haldinn stofnfundur þess. Í stjórn voru kosin Eiríkur Rögnvaldsson, prófessor emeritus, Eliza Reid, rithöfundur með meiru, Martína Jansson, kennari hjá Símenntun Eyjafjarðar, Ólafur Guðsteinn Kristjánsson, kennari við HÍ og hvatamaður Gefum íslensku séns, og Peter Weiss, fráfarandi forstöðumaður Háskólaseturs Vestfjarða, sem jafnframt verður stjórnarformaður félagsins.

Nemendur öðlast verklega innsýn í fiskifræði og fiskveiðistjórnun

Thu, 29 Jan 2026 12:35:00 +0000

Dr. James Kennedy, fiskifræðingur við Hafrannsóknastofnun, kennir um þessar mundir námskeiðið Fiskveiðistjórnun og fiskveiðitækni hér við HV. Í námskeiðinu er fjallað um helstu viðfangsefni hafrannsókna og fiskveiða, meðal annars stofnmat, tengsl fiska og búsvæða, lífsferla, stofnfræði og stjórnun.

Sólardagurinn

Mon, 26 Jan 2026 14:08:00 +0000

Þann 25. janúar ár hvert halda Ísfirðingar upp á sólardaginn, en þá er komu sólar fagnað með því að halda sólarkaffi þar sem drukkið er kaffi og borðaðar sólarpönnukökur með sykri eða sultu og rjóma. Í meira en hundrað ár hafa Ísfirðingar haldið þennan dag hátíðlegan, en hann miðast við þann dag er sól sleikir fyrst Sólgötuna, eftir langa vetursetu handan fjallanna.

Netkynning á meistaranámi í sjávarbyggðafræði og haf- og strandsvæðastjórnun

Mon, 26 Jan 2026 08:44:00 +0000

Miðvikudaginn 4. febrúar næstkomandi verður haldin netkynning á meistaranámsleiðum Háskólaseturs Vestfjarða í sjávarbyggðafræði og haf- og strandsvæðastjórnun.

Fræðadvöl í Grímshúsi

Fri, 16 Jan 2026 14:53:00 +0000

Eitt af þeim skemmtilegu verkefnum sem Háskólasetur Vestfjarða tekur þátt í, er verkefni um fræðadvöl í Grímshúsi á Ísafirði, sem var hleypt af stokkunum á ráðstefnu í Háskólasetri Vestfjarða í nóvember árið 2022 og árið 2023 komu fyrstu gestirnir í Grímshús.

Námskeið: Hagnýt Aðferðafræði

Mon, 12 Jan 2026 09:37:00 +0000

Starfsemi Háskólaseturs er nú aftur komin á fullt skrið eftir gott jólaleyfi og nemendur aftur mættir í skólastofunar.

Opnunartímar Háskólaseturs yfir hátíðirnar

Thu, 18 Dec 2025 00:01:00 +0000

Nú er orðið tómlegt á göngum Háskólaseturs þar sem flestir nemendur okkar hafa haldið heim í jólafrí og nemar íslensku háskólanna hafa lokið sínum prófum fyrir jól.