Nemendur í haf- og strandsvæðastjórnun við Háskólasetur Vestfjarða framkvæmdu nýverið rannsókn á strandrusli í Steingrímsfirði. Rannsóknin var gerð í vettvangsferð í tengslum við námskeiðið “Pollution in the Coastal Arctic."

Johanna Schumacher, sem útskrifaðist úr haf- og strandsvæðastjórnun árið 2014, birti nýverið greinina „Mesuring and comparing the sustainability of coastal tourism destinations in Germany, Lithuainia and Indoneasia“. Greinin birtist í þverfræðilega tímaritinu Environment, Development, and Sustainability og byggir hún á meistaraprófsverkefni Johönnu þar sem einblínt var á notkun og bætingu sjálfbærnivísa (e. sustainability indicators) í sjávarbyggðum.

Nokkrir starfsmenn Háskólaseturs Vestfjarða héldu norður í land í síðustu viku í stutta heimsókn í Háskólann á Akureyri. Megin tilgangur ferðarinnar var sá að undirrita endurnýjaðan samning við HA um meistaranám en einnig var ferðin nýtt til fundahalda með ýmsum aðilum hjá þessum nána samstarfsaðila okkar.

Nýverið birtist grein í tímaritinu Renewable Energy eftir Majid Eskafi sem útskrifaðist úr meistaranáminu í haf- og strandsvæðastjórnun árið 2016. Tímaritið Renewable Energy er meðal virtustu fagtímaritanna á sviði endurnýjanlegra orkugjafa en greinin byggir á meistaraprófsverkefni Majids sem fjallar um nýtingu varma úr sjó í Önundarfirði.

Á dögunum auglýsti Háskólasetur Vestfjarða laust til umsóknar tímabundið starf verkefnastjóra meistaranáms. Sextán sóttu um stöðuna þar af átta búsettir utan Vestfjarða.