Alls bárust sautján umsóknir um starf kennslustjóra hjá Háskólasetri Vestfjarða, þar af ellefu frá Vestfjörðum og sex umsóknir utan Vestfjarða. Valnefnd hefur ákveðið að ráða Margréti Björk Arnardóttur til starfa. Margrét Björk er náms- og starfsráðgjafi í Árskóla á Sauðárkróki en hefur auk þess starfað sem náms- og starfsráðgjafi við Háskólann á Hólum og Farskólann – miðstöð símenntunar á Norðurlandi vestra. 

Hópur nemenda á vegum Franklin-háskóla í Sviss er nú staddur í fimm daga heimsókn á norðanverðum Vestfjörðum. Þetta er í fjórða sinn sem Háskólasetrið tekur á móti hóp frá skólanum og koma nemendur hingað til lands til að sitja 12 daga vettvangsnámskeið sem fjallar um áhrif ferðamennsku á umhverfi og samfélag og þar er Ísland notað sem dæmi, „Tourism and the Environment: Iceland“.

Háskólasetur Vestfjarða leitar að kraftmiklum og metnaðarfullum kennslustjóra í fullt starf.

Í morgun kom til Ísafjarðar hópur 17 bandarískra nemenda sem taka þátt í annarlöngu vettvangsnámi á vegum School for International Training (SIT) í Vermont í Bandaríkjunum. Námsleiðinni var hleypt af stokkunum haustið 2016 í samvinnu við Háskólasetrið og eru viðfangsefni hennar loftslagsmál á Norðurslóðum. 

Háskólasetur Vestfjarða leitar nú að fjölskyldum sem vilja hýsa bandaríska háskólanema tímabilið 14.september - 6.október.