Háskólasetur Vestfjarða hefur samið við Edinborgarhúsið um að kennsla í námsleiðunum Sjávarbyggðafræði og Haf- og strandsvæðastjórnun fari fram í Edinborgarsal í haust. Þetta er gert til að bregðast við fjölgun nemenda í námsleiðunum tveimur en samtals hófu 43 nemendur nám á fyrsta ári nú í haust.

Katrín Jakobsdóttir forsætisráðherra heimsótti Háskólasetrið á ferð sinni um Ísafjörð í dag. Katrín átti stuttan fund með starfsmönnum Háskólaseturs og leit við í kennslustund á íslenskunámskeiðinu sem nú stendur yfir. Einnig fékk hún leiðsögn um Vestrahúsið frá Peter Weiss forstöðumanni og kynnti sér þá fjölbreyttu starfsemi sem fram fer í húsinu.

Síðastliðinn þriðjudaginn hófst þriggja vikna íslenskunámskeið (A1-A2) Háskólaseturs af krafti með morgunkennslu Eiríks Sturlu Ólafssonar, margreynds kennara sem kennir námskeiðið nú annað árið í röð.

Að vanda hélt Háskólasetur Vestfjarða Háskólahátíð á Hrafnseyri þann 17. júní í tengslum við þjóðhátíðardagskrá Safns Jóns Sigurðssonar á staðnum. Þau tímamótu urðu í ár að fyrstu nemendurnir í Sjávarbyggðafræði brautskráðust en námsbrautin var sett á fót haustið 2019.

Í dag þriðjudaginn 15. júní kemur skútan Esja til hafnar á Ísafirði. Um borð verður hópur kvenna sem kallar sig Seiglurnar en hópurinn lagði úr höfn í Reykjavík á sunnudag og hyggst sigla hringinn í kringum landið á næstu vikum. Tilgangur ferðarinnar er að virkja konur til siglinga við Ísland, vekja athygli á heilbrigði hafsins og hvetja til ábyrgrar umgengni við hafið og auðlindir þess. Í tengslum við komu hópsins til Ísafjarðar er blástið til málþings í Bryggjusal Edinborgarhússins í hádeginu.