Háskólasetur Vestfjarða vinnur að undirbúningi alþjóðlegrar ráðstefnu CoastGIS sem haldin verður á Ísafirði dagana 27.- 29. september 2018. Háskólasetrið er gestgjafi ráðstefnunnar í ár en þetta er í þrettánda sinn sem hún er haldin. Markmið ráðstefnunnar er að miðla þekkingu, hugmyndum og reynslu af notkun gagna og upplýsingatækni til að öðlast betri þekkingu á stjórnun strandsvæða og auðlindum þeirra.

Undanfarnar tæpar fimm vikur hafa staðið yfir íslenskunámskeið við Háskólasetur Vestfjarða eins og hefð er fyrir í ágúst. Námskeiðin hófust þann 30. júlí síðastliðinn og voru bæði í boði byrjendanámskeið sem og framhaldsnámskeið. Að þessu sinni hafa yfir sextíu manns sótt námskeiðin ef með er talið vikunámskeið sem fram fór í maí.

Vegna breytinga á póstþjóni geta nemendur og starfsmenn Háskólaseturs ekki lengur nálgast vefpóstinn sinn í gegnum Snerpu. Framvegis notum við G Suite.

Þó Vísindaport væri almennt í sumarfrí eru rannsóknarnemar frá SeaTech Toulon við vinnu í Háskólasetri ásamt leiðbeinenda sínum, Birni Erlingssyni. Þeir vinna meðal annars við að byggja upp straumalíkan fyrir Skutulsfjörð sem nota má við hermun á sjávarstraumum og vatnsgæðum. Þeir munu kynna helstu niðurstöður og afrakstur vinnunar föstudaginn 27.07.2018 í hádeginu, kl. 12:10, á venjulegum Vísindaportstíma.

Í dag komu í heimsókn í Háskólasetrið hópur 17 bandarískra menntaskólanemenda og kennarar þeirra Patrick Hagarty and Steph Yin. Þessi hópur er á vegum New York Times. Hópurinn er á ferð um Vestfirði til þess að kynna sér endurnýjanlega orku og áhrif loftlagsbreytinga á strjálbýl norðlæg svæði. Yfirskrift leiðangursins er; New York Times Student Journey - Iceland: Energy & Climate Change at the Arctic Circle.