Helgina 16.-17. júní standa Háskólasetur Vestfjarða og Safn Jóns Sigurðssonar á Hrafnseyri fyrir þjóðhátíðarþingi á Hrafnseyri. Þingið er skipulagt í samvinnu við Evrópufræðastofnun Háskólans á Bifröst, Alþjóðamálastofnun Háskóla Íslands og Hugvísindadeild Háskóla Íslands.

S kráningar í Háskóla unga fólksins hafa gengið framar vonum. Nú fara að verða síðustu forvöð að skrá sig því lokað verður fyrir skráningar á miðnætti mánudaginn 4. júní. Við biðjum því alla sem áhuga hafa að drífa sig að skrá sig hér á vefnum.

Háskóli Íslands býður uppá fjölbreytt fjarnám veturinn 2007-2008, bæði í grunn- og framhaldsnámi. Meðal nýjunga eru tvær nýjar námsleiðir á framhaldsstigi frá félagsvísindadeild. Önnur er diplómanám í hagnýtri jafnréttisfræði og hin diplómanám í áfengis- og vímuefnamálum.

Gísla saga Súrssonar er meðal þekktustu Íslendingasagna. Enn þann dag í dag á Gísli marga aðdáendur. Í sumar munu nokkrir erlendir hópar heimsækja Háskólasetrið til námsdvalar, flestir frá Bandaríkjunum og Kanada, en meðal þess sem allir hóparnir munu sækja er tveggja daga dagskrá um Gísla sögu, með inngang, heimsókn í Haukadal, dagsferð í Geirþjófsfjörð undir leiðsögn staðkunnugra manna og einleikinn um Gísla eftir Elfar Loga Hannesson. Dagskráin er á ensku.

Háskólasetur Vestfjarða auglýsir þrjár nýjar stöður lausar til umsóknar: Sérfræðingur á alþjóðasviði, Verkefnisstjóri og Fagstjóri á sviði Haf- og strandsvæðastjórnunar. Allar þrjár stöðurnar koma til vegna aukinna umsvifa, en Vestfjarðanefnd lagði til í skýrslu sinni að skapaðar yrðu allt að þrjár stöður við HSvest frá og með árinu 2008. Það er því mjög ánægjulegt að þetta mikilvæga skref í þróun Háskólaseturs þurfi ekki að bíða til ársins 2008.