Í vikunni hófust tvö valnámskeið í meistaranáminu í haf- og strandsvæðastjórnun við Háskólasetur Vestfjarða. Annarsvegar námskeiðið Coastal and Marine Conservation og hinsvegar Geographical Information Systems.

Fyrrnefnda námskeiðið kennir Bradley W. Barr, ráðgjafi hjá National Marine Sanctuary verkefninu í Bandaríkjunum og doktorsnemi við háskólann í Alaska. Þetta er þriðja háskólaárið sem Bradley Barr kennir námskeiðið en auk þess að sinna kennslu við Háskólasetrið hefur hann verið prófdómari meistaraprófsverkefnis sem var kynnt fyrr á árinu. Námskeiðið Geographical Information Systems kennir Katrín Hólm Hauksdóttir verkefnastjóri hjá Þjóðskrá Íslands. Katrín er nýr meðlimur kennaraliðsins við Háskólasetrið og bjóðum við hana sérstaklega velkomna til starfa.