Ráðstefna um íslenska þjóðfélagsfræði verður haldin í fimmta sinn á Ísafirði 8.-9. apríl næstkomandi. Ráðstefnan er árlegur viðburður og hefur hún áður verið haldin í Háskólanum á Akureyri, Háskólanum á Hólum og Háskólanum á Bifröst. Undirbúningur hennar að þessu sinni er í höndum Háskólaseturs Vestfjarða.

Á ráðstefnunni verða samtals 12 málstofur og yfir 50 erindi. Auk fræðimanna frá flestum háskólum landsins koma fyrirlesarar m.a. frá stofnunum á borð við Lýðheilsustöð og Lögreglembættinu í Reykjavík.

Efni ráðstefnunnar er afar fjölbreytt:

 

• Háskólar á landsbyggðinni
• Byggðir og byggðaþróun
• Sjálfbær þróun
• Félagslegur stuðningur
• Samfélagsleg þátttaka
• Efnahagslíf þjóðarinnar
• Sögur og merking
• Jafnrétti kynjanna
• Afbrot og frávik
• Fjölmiðlar og samfélag
• Börn og unglingar
• Menningarstefna og fjölmenning

 

Þátttökugjald á ráðstefnunni er 5.000 kr. fyrir báða dagana, 2.500 kr. fyrir annan daginn en háskólanemar greiða ekkert gjald.

 

Allar nánari upplýsingar, dagskrá og úrdrætti erinda, má nálgast á heimasíðu ráðstefnunnar.