Þessa dagana standa próf og prófalestur yfir í Háskólasetri Vestfjarða.  Nemendur sem taka próf sín í Háskólasetrinu stunda flestir fjarnám við háskóla landsins eða frumgreinanám við Háskólasetrið.  Um er að ræða tæplega 100 manns sem þreita próf sín í Háskólasetrinu í þessari lotu.  Það er því ljóst að háskólanámi á Vestfjörðum vex sífellt fiskur um hrygg vegna þess að auk þeirra sem nú taka próf í desember er fjöldi manns sem stundar nám á meistarastigi þar sem í flestum tilfellum er ekki um próftöku að ræða.  Til hægðarauka fyrir nemendur er hér próftafla Háskólaseturs vegna prófanna nú í desember.  Þeir nemendur sem hyggjast taka próf sín hjá Háskólasetrinu en finna nafn sitt ekki á þessum listum eru beðnir um að hafa samband í síma 450 3040.