Þótt Vísindaportið sé formlega komið í sumarfrí, bjóða Vaxtarsamningur Vestfjarða og Atvinnuþróunarfélag Vestfjarða upp á heilmikinn sumarglaðning í Vísindaporti föstudaginn 5. júní á milli klukkan 12.00 og 13.00, í kaffisal Háskólaseturs. Þar verða kynntir verðlaunahafar í nýsköpunarkeppni sem Vaxtasamningurinn og Atvinnuþróunarfélagið héldu nýlega á Vestfjörðum. Verðlaunaafhendingin er opin öllum þeim sem hafa áhuga á nýsköpun og atvinnuuppbyggingu svæðisins, boðið verður upp á léttar veitingar.

 

Þrettán nýsköpunarhugmyndir bárust í keppnina og voru þær afar fjölbreyttar. Keppnin er liður í því að auka og styðja við nýsköpun á svæðinu enda er nýsköpun ein af forsendum vaxtar. Hugmyndirnar sem bárust í keppnina eru eftirfarandi:

• Fiskrækt og seiðaeldi
• Vefsíðuvakinn - hugbúnaðargerð
• Artic Circle - vínframleiðsla úr bláberjum
• Gyða - rafvæddur farþegabátur
• Kerecis - lækningavörur úr fiskroði
• Fossadalur - fluguveiðihjól og nýr bremsubúnaður fyrir veiðihjól
• Fasanarækt
• Straumhjól - hverfill fyrir virkjun sjávarstrauma
• Lífvinnslan - Vinnsla á kítíni úr rækjuskel
• Fittings - fittings unnið úr stál rörum
• Sjúkralyfta - bílalyftubúnaður fyrir fatlaða
• Tankurinn - hljóðver
• Flakavinnsla - nýjar vinnslu og meðhöndlunaraðferðir fyrir fiskvinnslu