mánudagur 26. ágúst 2019

Nú er þriggja vika námskeiðinu líka lokið!

Jæja nú er þriggja vika námskeiðinu líka lokið!
Nemendahópurinn var mjög blandaður, hann samanstóð af fólki allsstaðar að úr heiminum, sumir á sínu fyrsta íslenskunámskeiði en aðrir lengra komnir.
Aðalkennari námskeiðsins var Jón Bjarni Atlason. Hann er íslenskufræðingur að mennt og hefur kennt á íslenskunámskeiðum Háskólaseturs áður. En kennsluaðferðir námskeiðsins voru fjölbreyttar og lögð var áhersla á að nýta vikurnar sem allra best. Fyrir utan morgunkennsluna, voru málfræðiæfingar, samtalsæfingar, kvikmyndasýningar, framburðaræfingar, prjónakvöld, pönnukökubakstur, ljóðlist og skyndihjálp efni sem nemendur fengust við á námskeiðinu. Einnig var ferð á slóðir Gíslasögu í Haukadal og nemendum boðið upp á einleik Elfars Loga Hannessonar um Gísla.
Nemendurnir náðu miklum framförum og var árangri þeirra fagnað síðastliðinn fimmtudag með fiskisúpu ásamt því að allir fengu viðurkenningarskjöl fyrir þátttöku á námskeiðinu.
En við höldum áfram með tveggja- vikna framhaldsnámskeið sem byrja í dag. Samtals koma í sumar til Ísafjarðar um sextíu nemendur til þess að læra þetta fallega tungumál. Það er frábært!

nemendahópurinn ásamt kennarar og verkefnastjóri
nemendahópurinn ásamt kennarar og verkefnastjóri
1 af 2