Í síðustu viku hófst ný kennslulota í meistaranáminu í haf- og strandsvæðastjórnun með námskeiðinu Tourism Policy and Planning in Coastal Areas. Kennari námskeiðsins er prófessor Marc L. Miller frá háskólanum í Washington. Prófessor Miller er einn af þeim kennurum sem hafa kennt við meistaranámið frá upphafi og er þetta því í fimmta sinn sem hann kennir námskeiðið.

Undanfarin ár hefur námskeiðið verið kennt á sumrin, þ.e.a.s. á háanatíma ferðaþjónustunnar, en er nú í fyrsta sinn kennt á vetrartíma. Í ljósi þess hve mikil aukning hefur orðið undanfarin ár í vetrarferðaþjónustu á Íslandi er viðeigandi að veita nemendum tækifæri til að kynna sér vetrarferðaþjónustuna í „réttu" umhverfi. Enda má segja að helsti vaxtarbroddur ferðaþjónustunnar um þessar mundir sé einmitt í vetrarferðaþjónustu.

Síðasta vika var alfarið helguð fyrirlestrahaldi en nú einbeita nemendur sér að fjölbreyttum lokaverkefnum námskeiðsins. Í næstu viku hefst svo næsta kennslulota með tveimur ólíkum námskeiðum. Annarsvegar er um að ræða námskeið um notkun GIS landfræðiforrita, Geographical Informatin Systems og hinsvegar námskeið um fiskeldi, Aquaculture.