Daníel Freyr Jónsson, verkefnisstjóri prófa og fjarkennslu við Háskólann á Akureyrir, heimsótti Háskólasetur Vestfjarða í dag. Háskólasetrið og Háskólinn á Akureyri hafa átt í góðu samstarfi undanfarin ár, einkum hvað fjarnámið snertir en einnig í tengslum við meistaranámið í haf- og strandsvæðastjórnun.

Talsverður fjöldi námsmanna stunda nám sitt við Háskólann á Akureyri í gegnum fjarfundabúnað í Háskólasetrinu, þar á meðal er hópur hjúkrunarfræðinema auk kennaranema og viðskiptafræðinema svo það helsta sé nefnt.

Þótt samskipti, kennsla og önnur vinna á milli stofnanna tveggja fari að mestu fram með aðstöð Netsins og fjarfundabúnaðar er alltaf kærkomið að geta fundað í eigin persónu með samstarfsaðilunum. Við þökkum Daníel Frey því kærlega fyrir heimsóknina og gott samstarf undanfarin ár.