Dagana 9.-13. júní 2008 býður Háskólasetur Vestfjarða háskólanám fyrir ungt fólk. Unglingum fæddum 1992-96 býðst þá að sækja fjölda stuttra námskeiða þar sem kennarar á háskólastigi fjalla um heima og geima.

Hver nemandi getur tekið allt að sex námskeið, svo að eitthvað nýtt og skemmtilegt er á stundatöflunni á hverjum degi. Í lok síðasta skóladagsins, föstudagsins 13. júní, verður haldin brautskráningarhátíð þar sem afrakstur skólastarfsins verður kynntur og brautskráningarskjal afhent.

 

Verð: kr. 12.000 fyrir sex námskeið. Einnig er hægt að taka stök námskeið og er þá kostnaðurinn kr. 2.500 fyrir hvert námskeið.
Boðið er upp á 30% systkinaafslátt.

 

Eftirfarandi námskeið verða í boði í ár:

* Dýrafræði/Þróunarvistfræði
* Félagsfræði
* Fiskeldisrannsóknir
* Frumkvöðlafræði
* Hugbúnaðarverkfræði
* Landslagshönnun
* Leiklistarfræði
* Læknisfræði
* Lögfræði
* Mannfræði
* Verkfræði
* Vísindavefurinn

Nánari námskeiðslýsingar verða settar inn næstu daga, en opnað verður fyrir skráningar þann 19. maí og verður opið fyrir skráningar til 3. júní.