Háskólasetur Vestfjarða boðar til kynningar mánudaginn 8. október kl. 15:30.

Kynnt verður framtíðarsýn Háskólaseturs Vestfjarða sem starfsmenn setursins hafa unnið að undanfarið. Háskólasetrið hyggst byggja upp orðspor með það að markmiði að verða Háskóli hafsins og hefur verið mörkuð stefna sem á að vinna að því markmiði. Framtíðarsýn Háskólaseturs miðar að því að byggja upp staðbundið nám á háskólastigi, laða að innlenda sem erlenda námsmenn, fjölga störfum fyrir háskólamenntað fólk og efla og styðja rannsóknarstofnanir á svæðinu. Nú þegar hefur verið mótuð námsleið í haf- og strandsvæðastjórnun sem hefst haustið 2008 og eru fleiri slíkar námsleiðir í undirbúningi en frumgreinanám mun fara af stað í Háskólasetrinu í janúar 2008.

Kynning á framtíðarsýn Háskólaseturs Vestfjarða er öllum opin og er vonast til að sem flestir sem láta sig varða uppbyggingu háskólasamfélags á Vestfjörðum sjái sér fært að mæta. Kynningin hefst kl. 15:30 í Háskólasetri Vestfjarða. Léttar veitingar verða í boði að kynningu lokinni.