Í hádeginu á föstudaginn 21. ágúst mun Brad Barr, kennari í meistaranámi í haf- og strandsvæðastjórnun, halda fyrirlestur um yfirstandandi rannsóknir sínar við Háskólann í Alaska um notkun hugtaksins „ósnortin víðerni" (e. wilderness) í samhengi við hafsvæði. Meðal efnis í fyrirlestrinum verður eftirfarandi:

• Hvað eru ósnortin hafsvæði?
• Hvernig eru ósnortin víðerni varðveitt í kringum hnöttinn, og hve mikið hefur verið varðveitt í hafinu?
• Hvernig er hægt að hafa umsjón með ósnortnum hafsvæðum.
• Notkun á ósnortnum víðernum til varðveislu menningararfleifðar frumbyggja
• Framtíð ósnortinna hafsvæða

Brad Barr kennir um þessar myndir námskeiðið Coastal and Marine Conservation við Háskólasetur Vestfjarað. Hann starfar sem ráðgjafi við stefnumótun hjá National Marine Sanctuary verkefninu í Bandaríkjunum. Hann situr í stjórnum George Wright Society, Coastal Zone Canada Association, Science and Management of Protected Areas Association auk þess að vera félagi í IUCN World Commission on Protected Areas.

 

Fyrirlesturinn fer fram í kaffisal Háskólaseturs og hefst kl. 12.10. Hann fer fram á ensku og er um 45 mínútna langur. Allir velkomnir.