Skemmtiferđaskip á réttri leiđ?

Ráðstefnan "Skemmtiferðaskip á réttri leið?" fer fram í Edinborgarhúsinu á Ísafirði dagana 3.-4. apríl 2017 og er haldin af Háskólasetri Vestfjarða í samstarfi við Nýsköpunarmiðstöð Íslands, Ferðamálasamtök Vestfjarða, Markaðsstofu Vestfjarða, Ísafjarðarbæ, Vesturferðir og fleiri aðila.

Markmið ráðstefnunnar er að varpa ljósi á þessa ört vaxandi ferðaþjónustugrein á Íslandi og fjalla um hana frá ýmsum hliðum. Áhersla verður lögð á hvernig byggja megi greinina upp til framtíðar með sjálfbærni að leiðarljósi. Erlendir og innlendir fyrirlesarar koma úr röðum fræðimanna og sérfræðinga sem og hagsmunaaðila, sveitarstjórna og íbúa.

Skráning fer fram á vefsíðu ráðstefnunnar. Þar má einnig finna upplýsingar um gistingu, veitingar og afþreyingu auk þess sem drög að dagskrá verða aðgengilega þar innan skamms.

Allar nánari upplýsingar veitir Birna Lárusdóttir, verkefnastjóri hjá Háskólasetri Vestfjarða, birna@uw.is.

Á döfinni

Ljósmynd: Ágúst G.Atlason www.gusti.is
Ljósmynd: Ágúst G.Atlason www.gusti.is