Háskólahátíđ á Hrafnseyri 2017

Á Háskólahátíð fögnum við með þeim nemendum sem útskrifast úr meistarnámi í haf- og strandsvæða­stjórnun sem og útskriftarnemum úr fjarnámi á Vestfjörðum.

Árið 2017 mun tuttugu og einn nemandi útskrifast úr meistarnámi í haf- og strandsvæðastjórnun, sem er kennt hjá Há­skólasetri Vestfjarða í samvinnu við Háskólann á Akureyri. Formlega útskrifast nemendur frá HA en Háskólasetrið efnir af þessu tilefni til háskólahátíðar á Hrafnseyri þann 17. júni 2017. Háskólasetur Vestfjarða býður einnig velkomna alla vestfirska útskriftar­nema annarra háskóla til að samfagna á háskólahátíðinni á Hrafnseyri.

Auk útskriftarnema bjóðum við hjartanlega velkomna alla fyrrverandi og núverandi nema, kennara, starfs­menn, stjórnarmenn og stofnaðila sem og aðra samstarfsaðila í gegnum tíðina.

Það er Háskólasetrinu mikill heiður að rektor Háskólans á Akureyri hefur tilkynnt komu sína líkt og síðast­liðin ár. Auk þess er von á eldri nemendum sem og kennurum. Við vonumst til að sjá sem flesta velunnara Há­skóla­setursins á þessum hátíðardegi á Hrafnseyri.

Dagskrá:

08:40-09:20 Flug Reykjavík-Ísafjörður
11:15 Mætt í rútu fyrir framan Háskólasetrið
11:30 Brottför rútu Ísafjörður-Hrafnseyri (skráning)
13:00 Guðsþjónusta á Hrafnseyri í tilefni þjóðhátíðardagsins
13:45 Kaffiveitingar á Hrafnseyri, þjóðhátíðardagskrá á Hrafnseyri. Súpa og brauð til sölu.
14:15 Hátíðarræða: Þórdís Kolbrún R. Gylfadóttir, ráðherra ferðamála, iðnaðar og nýsköpunar
15:00-16:00 Hátíðleg athöfn í tilefni útskriftar vestfirskra háskólanemenda - Myndataka
17:00 Rúta Hrafnseyri-Ísafjörður (skráning)
20:20-21:00 Flug Ísafjörður-Reykjavík
   

  

Hátíðleg athöfn á Hrafnseyri er opin gestum á meðan húsrúm leyfir.

Athöfnin fer fram utandyra undir Bælisbrekku ef veður leyfir, annars inni í kapellu.

Ókeypis er í rútu, en nauðsynlegt að skrá sig til að tryggja sér sæti. Tilgreinið hvort þið ætlið að taka rútu frá Háskólasetri, Hlíf, Skeiði, Önundar­firði eða Þingeyri. Brottför frá Háskólasetri verður ekki seinna en 11:30. Mæting upp úr 11:15.

Vinsamlegast hafið samband við reception@uw.is eða í síma 450 3040 til að skrá ykkur í rútu. 

Á döfinni

Útskriftarhópurinn 2016 fagnar áfanganum á Hrafnseyri viđ Arnarfjörđ.
Útskriftarhópurinn 2016 fagnar áfanganum á Hrafnseyri viđ Arnarfjörđ.