Bókasafn Háskólaseturs Vestfjarđa

Í Háskólasetrinu er lítið en öflugt bókasafn og má þar finna t.d. fræði- og námsbækur, ýmsar handbækur, orðabækur, vestfirskt efni, skýrslur og margt fleira. Meginþorri efnisins tengist meistaranáminu í Haf- og strandsvæðastjórnun.  

Allt efni er skráð í Gegni, samskrá íslenskra bókasafna og leitarhæft í gegnum leitargáttina leitir.is. Í gegnum leitir.is er einnig aðgangur að ýmsum öðrum rafrænum gagnagrunnum, svosem vísindalegum tímaritasöfnum og fleira. Leiðbeiningar fyrir leit að efni í safni Háskólaseturs er að finna hér.  

Upplýsingar og aðstoð veitir umsjónarmaður bókasafns (Pernilla Rein), pernilla@uw.is


Aðstaða til náms

Háskólasetrið býður nemendum upp á lestraraðstöðu, prentaðstöðu og aðgang að þráðlausu neti. Lestrarbásar eru í opnu rými, en einnig í lokuðum lesherbergjum. Sjá einnig Aðstaða nemenda í Háskólasetri Vestfjarða.


Millisafnalán

Nemendur í meistaranámi á vegum Háskólaseturs hafa aðgang að þjónustu Bókasafns Háskólans á Akureyri og snúa sér þangað með beiðnir um millisafnalán: bsha@unak.is

Fjarnemar hafa samband við bókasafn viðkomandi háskóla.

Nemendum er ávallt velkomið að ráðfæra sig við umsjónarmann bókasafns Háskólaseturs: pernilla@uw.is

 

Bókasafnið Ísafirði - almenningsbókasafn

Á Ísafirði er gott almenningsbókasafn og þar er einnig góð aðstaða til náms. Safnið er opið kl. 13-18 virka daga og kl. 13-16 laugardaga. Frekari upplýsingar á vef Bókasafnsins Ísafirði.

 

Krækjur

 

Leiðbeiningar