Ađstađa nemenda í Háskólasetri Vestfjarđa

Í Háskólasetri Vestfjarða er boðið upp á fyrsta flokks aðstöðu fyrir háskólanema sem stunda fjarnám við háskóla landsins. Sex kennslustofur eru í setrinu, tvær þeirra með fjarfundabúnaði. Stofurnar eru ætlaðar fyrir kennslu en eru einnig nýttar sem lestrar- og vinnuaðstaða fyrir nemendur þegar kennsla stendur ekki yfir. Á gangi setursins er lestrar- og hópvinnuaðstaða og er þar einnig að finna geymsluskápa til afnota fyrir nemendur. Einnig eru til staðar lesherbergi á fyrstu hæð/jarðhæð þar sem nemendur geta unnið í næði.

Tölvu- og prentaramál

Háskólasetur Vestfjarða býður nemendum aðgang að þráðlausu neti. Gert er ráð fyrir að nemendur hafi yfir að ráða fartölvu sem hefur þráðlaust netkort. Þó er hægt að tengja fastatengla fyrir nemendur í undantekningartilvikum. Þráðlausa netið er opið og þarf enga skráningu til að komast inn. Þó er æskilegt að nemendur láti tölvumann setursins yfirfara vírusvarnir og slíkt ef það þykir nauðsynlegt.

Nauðsynlegt er að hafa tölvur uppfærðar hvort sem um er að ræða uppfærslur vírusvarna eða öryggisuppfærslur stýrikerfis. Ef nemandi uppfærir ekki tölvuna sína getur hann átt von á að lokað verði fyrir allt netsamband vélarinnar ef hún smitast af vírusum. Uppfærið tölvuna í gegnum heimasíðu Microsoft.

ATH! Ekki er sjálfgefið að nýjar vélar séu uppfærðar fram að deginum sem þær eru keyptar.

Ein tölva er á gangi Háskólasetursins og er hún einungis ætluð nemendum til afnota í skamman tíma, t.d. til að kíkja á netið, tölvupóst, prenta út nokkur blöð í neyð o.s.frv. Ekki er ætlast til þess að nemendur noti þessa tölvu til að vinna á.

Nemendur geta prentað, ljósritað og skannað  á prentara Háskólaseturs, sem er staðsettur í móttökunni. Fylgst verður með prentnotkun nemenda.

Fjarfundabúnaður

Fjarnemar sem þurfa að sækja tíma í gegnum fjarfundabúnað sækja tíma sína í Háskólasetrinu. Þetta er kjarninn í þjónustu setursins við fjarnema í háskólanámi. Setrið hefur yfir að ráða öflugum fjarfundabúnaði frá Polycom í tveimur stofum. Um daglegan rekstur búnaðar sjá starfsmenn Háskólasetursins, en starfsmenn Særafs ehf. hafa yfirumsjón með honum líkt og öðrum tækjum Háskólaseturs. Mikilvægt er að hafa samband við starfsfólk setursins ef eitthvað kemur upp á varðandi fjarfundi eða fjarfundabúnað. Nemendum er ekki heimilt að framkvæma aðgerðir á fjarfundabúnaði án samráðs við ofangreinda aðila. Heimilt er þó að slökkva og kveikja á skjávörpum og er mælst til þess að nemendur slökkvi eftir kennslustundir.

Starfsmenn Háskólasetursins eru nemendum til aðstoðar við að ná tengingu í upphafi fjarkennslu en gert er ráð fyrir að nemendur séu sjálfstæðir hvað þetta varðar og geti sjálfir kveikt á búnaðinum ef með þarf. Ef vandamál varðandi tengingar koma upp er best að hringja í vakt í viðkomandi skóla og vaktmenn þar eiga að geta leyst öll tengingarvandamál. Símanúmer vaktsíma háskólanna vegna fjarfunda eru í öllum stofunum sem og símanúmer þeirra starfsmanna Háskólaseturs sem hægt er að hringja í ef upp koma vandamál utan vinnutíma.

Lyklar

Eftir klukkan 16 á daginn er húsnæði Háskólasetursins læst. Nemendur geta fengið lykil að húsinu, en lykillinn er í formi svokallaðs lyklakorts með segulrönd. Til að fá lykilinn þurfa nemendur að leggja fram tryggingu að upphæð kr. 2.500 sem þeir fá svo endurgreidda þegar kortinu er skilað í lok skólaársins.

Vakin er athygli á þjófavarnarkerfi hússins sem fer sjálfvirkt í gang kl. 2 eftir miðnætti og fer úr sambandi kl. 6:30 á morgnana. Ef nemendur hafa í hyggju að vera í Háskólasetrinu á næturnar þurfa þeir að láta starfsmenn vita af því svo hægt sé að gera ráðstafanir varðandi þjófavarnarkerfið.

Önnur aðstaða

Nemendur hafa aðgang að kaffisal Háskólasetursins og geta geymt mat í skápum og í ísskáp. Munið að merkja allt sem ykkur tilheyrir. Háskólasetrið á kaffivél en nemendur þurfa að greiða fyrir kaffið. Hver kaffibolli kostar kr. 200. Hægt er að kaupa mánaðarkort í móttökunni fyrir kr. 2.000.

Nemendur og aðstaðan

Þó svo að þjónusta Háskólasetursins snúist að miklu leyti um þá nemendur sem sækja tíma í gegnum fjarfundabúnað er áhersla lögð á að setrið er ætlað öllum sem stunda fjarnám á háskólastigi. Þeir nemendur sem geta stundað nám sitt á netinu í gegnum tölvu eru að sjálfsögðu velkomnir í Háskólasetrið og eru þeir sérstaklega hvattir til að kynna sér og nýta aðstöðuna sem í boði er í setrinu. Allir nemendur sem stunda nám á háskólastigi á svæðinu geta fengið lykilkort og haft aðgang að húsinu hvenær sem er sólarhrings, fengið aðgang að þráðlausu neti og prentara, ljósritun og allri annarri þjónustu Háskólasetursins. Kennslustjóri heldur utan um lista yfir þá nemendur á svæðinu sem stunda fjarnám á háskólastigi. Listinn er unninn út frá upplýsingum frá háskólunum og er ekki víst að hann sé í tæmandi. Einnig vantar oft upplýsingar um netföng eða símanúmer nemenda. Nemendur eru hvattir til að koma þessum upplýsingum á framfæri við kennslustjóra, þ.e. hvaða nám þeir stunda ásamt símanúmeri og netfangi, þangað sem nemandi vill fá sendar upplýsingar frá Háskólasetrinu.

Kennslustjóri:

Kristín Ósk Jónasdóttir

kristin@uw.is 

Ritarar:

Guðrún Sigríður Matthíasdóttir

gunnasigga@uw.is

Þórdís Lilja Jensdóttir

thordis@uw.is

Verðskrá

  • Aðstöðugjald kr. 2000 (innifalið er aðgangur að þráðlausu neti og prenturum setursins, fyrstu 70 blöð til prentunar, aðgangur að allri les- og vinnuaðstöðu, aðgangur að eldhúsi o.s.frv.)
  • Kaffi kr. 200 pr. bolli.
  • Mánaðarkaffikort kr. 2000.
  • Lyklakort kr. 2500 (trygging sem fæst endurgreidd þegar kortinu er skilað)

 Prentun

          prentun í svart/hvítu: kr. 15 pr. blað

          prentun í lit: kr. 25 pr. blað

          gormur: kr. 100 stk.

          plast: kr. 100 stk.

          gormun á blöðum: 0-100 stk. kr.1000

Hafðu samband:

+354 450-3040

info@uw.is

Suðurgata 12, 400 Ísafjörður

Kt: 610705-0220

Ljósmynd: Ágúst Atlason.
Ljósmynd: Ágúst Atlason.