Tvö opin vettvangsnámskeiđ voriđ 2015

Bláa hagkerfið er löngu hætt að snúast aðeins um veiðar og vinnslu. Á Vestfjörðum hefur fiskeldi t.d. rutt sér til rúms og í notkun þangs, þara og annarra nytja stranda leynast möguleikar fyrir atvinnulíf framtíðarinnar. Aukin verðmæti skapast oft með því að tengja bláa hagkerfið við það græna.

Í vor býður Háskólasetur Vestfjarða upp á tvö vettvangsnámskeið á sunnanverðum Vestfjörðum um nýsköpun í fiskeldi og nýsköpun í nýtingu hafsins. Námskeiðin njóta góðs af nálægð við atvinnulíf tengt viðfangsefnunum og eru fyrirtækjaheimsóknir hluti af náminu. Nemendur fá innsýn í möguleika og áskoranir fiskeldis í köldum sjó í fyrra námskeiðinu, en í því síðara verður sjónum beint að nýsköpun í sjálfbærri nýtingu auðlinda strandsvæða. Í lok hvors námkeiðs vinna nemendur að viðskiptaáætlun fyrir nýsköpunarverkefni að eigin vali.

Nánari upplýsingar um námskeiðin má nálgast hér að neðan þar sem jafnframt eru tenglar á námskeiðslýsingar og forkröfur.

Nýsköpun í fiskeldi
Lengd: 1 vika (2 ECTS)
21.03.2015-27.03.2015
Staður: Patreksfjörður
Forkröfur
Tungumál: Enska og íslenska (viðskiptaáætlun)
Verð: 10.000 kr.

Nýting hafsins – nýsköpun og sjálfbærni
Lengd: 1 vika (2 ECTS)
28.03.2015-03.04.2015
Staður: Reykhólar
Forkröfur 
Tungumál: Enska og íslenska (viðskiptaáætlun)
Verð: 10.000 kr.

Kennarar beggja námskeiða:
Dr. Peter Krost, Kiel, líffræðingur og meðeigandi fyrirtækisins CRM, Coastal Research and Management
María Maack, líffræðingur og sérfræðingur í visthagfræði

Skráning:
Vinsamlegast skráið ykkur með því að hlaða niður umsóknareyðublaði á word formi, fylla það út og sendið á nyskopun@uwestfjords.is

Frekari upplýsingar veitir Peter Weiss, forstöðumaður Háskólaseturs.
Netfang: nyskopun@uwestfjords.is
Sími: 450-3045

Kennsluáætlun:
Kennsluáætlun með nákvæmum tímum birtist hér á næstunni.

Gisting:
Upplýsingar um gistimöguleika á Tálknafirði og Reykhólum birtast hér innan skamms.

Ferðin á Tálknafjörð og Reykhóla:
Reykhólar eru í innan við 250 km fjarlægð frá Reykjavík á góðum vegum. Vegalend til Tálknafjarðar er svipuð ef ferjan Baldur er tekin frá Stykkishólmi en annars rúmlega 400 km.
Háskólasetrið aðstoðar nemendur sem þess óska við að skipuleggja ferðalagið t.d. með því að samnýta bíla með öðrum nemendum.

Kaffi og með því innifalið í námskeiðsgjaldi, annar matur er á ábyrgð þátttakenda. Á báðum stöðum verður seldur heitur matur í hádeginu á hagstæðu verði.

Námskeiðin eru styrkt af Sóknaráætlun landshlutanna.